Kryeministri i Maqedonisë së Veriut, Zoran Zaev përmes një letre drejtuar opinionit publik, është shprehur se dorëheqjet e dorëzuara pas tragjedisë në spitalin e Tetovës, i sheh si një akt të lartë morali dhe etike.
Ai i cilëson si një demonstrim të integritetit dhe përgjegjësisë, e cila thotë se është e pashmangshme në të tillë situatë fatkeqësie. Zaev ka theksuar se ka dhe do ketë gjithmonë përgjegjësi, por të bazuar në fakte dhe argumenta e jo në bazë të përplasjeve politike.
“Dorëheqjet e Minstrit të Shëndetësisë, Filipce, të zv. Ministër Hasanit dhe dy drejtorëve të Spitalit të Tetovës, Besimi dhe Ethemi, të cilat mu dorëzuan, i kuptoj si akte të larta etike dhe morali, si një demonstrim inegriteti dhe përgjegjësie, e cila është e pashmangshme në raste fatkeqësish kaq të mëdha.
Përgjegjësi ka dhe do të ketë gjithmonë, por të bazuar krejtësisht në fakte dhe argumenta, jo në përplasje politike.” shkroi Zaev.
