Për Alexandre Lacazette ka filluar numërimi mbrapsht sa i përket ditëve të qëndrimit të tij te Arsenali.
Sulmuesi francez ishte në shitje nga klubi anglez gjatë merkatos së kësaj vere, por kurrë nuk erdhi oferta e duhur për të.
30-vjeçari është futur në vitin e fundit të kontratës me ‘Topçinjtë’ dhe largimi i tij në janar nga klubi duket mëse i sigurt.
‘Daily Mirror’ ka shkruar se Arsenali e ka nxjerr në shitje lojtarin dhe Lacazette është i pari që do të largohet nga klubi gjatë merkatos së janarit.
Arsenali dëshiron që të fitojë rreth pesë milionë euro nga shitja e lojtarit në janar, pasi nëse një gjë e tillë nuk ndodhë, atëherë Lacazette në verë largohet si agjent i lirë.
Sulmuesi francez nuk është në planet e trajnerit Mikel Arteta, që para tij preferon lojtarë si Pierre Emerick Aubameyang, Nicolas Pepe e Bukayo Saka.
E ardhmja e francezit duket se do të jetë përsëri në Ligue 1, ku Marseille dhe Monaco kanë shprehur interesim për të.
