Ngjarja e ndodhur mbrëmë në një pallat në “Astir” ku mbetën të bllokuar 5 persona dhe ashensori ra, është e përsëritur. Problematikat në ashensor kanë shkaktuar tragjedi, por asnjëherë nuk janë zbuluar fajtorët dhe nuk janë marrë masa konkrete nga institucionet vendimmarrëse.
Në 2017, në zonën e Freskut humbi jetën 30-vjeçarja Drilona Durici, nënë e një fëmije 5 vjeç. Ngjarja ndodhi teksa nëna po kthehej në shtëpi kishte dërguar djalin në kopsht hipi si çdo ditë në ashensor, por pa arritur në katin e tretë. Flakët përfshinë kabinën metalike, ndërsa gruaja kërkonte ndihmë për të dalë. Drilona humbi jetën në vend, ndërkohë që asnjëherë nuk u mësua se kush ishin përgjegjësit e vërtetë.
Edhe ngjarja e ndodhur në “Astir” mund të kishte përfunduar në një tragjedi, por fatmirësisht ata ia dolën të shpëtonin, ndonëse një prej tyre është në gjendje të rëndë.
