Pacientët që i mbijeton zjarrit në spitalin që u përfshi nga flakët në Tetovë janë në gjendje të stabilizuar shëndetësore dhe jashtë rrezikut për jetën. Infermierja Hanife Demiri ka rrëfyer për mediat lokale se gjendja shëndetësore e dymbëdhjetë pacientëve që shpëtuan nga zjarri që përfshiu spitalin modular në Tetovë është e stabilizuar.
“Janë në gjendje të mirë, janë në gjendje shumë të mirë dhe stabile. Tash ishim i vizituam pacientët. Ka nga kovidi që shërohen domethënë nuk ka me djegie dhe janë në gjendje stabile të mirë”, tha ajo.
14 persona, pacientë që po trajtoheshin në spitalin modulor në Tetovë humbën jetën pasi kontejneri u përfshi nga flakët. Tragjedisë i mbijetuan vetëm 12 persona. Paraprakisht u raportua se shkak për zjarrin është bëtë rrjedhja e oksigjenit, si dhe dëmet në strukturë, por ende nuk ka një version zyrtar për ngjarjen.
