Policia e Tropojës ka vënë në pranga 3 persona babanë dhe dy djemtë, të cilët ishin në kërkim për një ngjarje të ndodhur dy muaj më parë në Tropojë.
Bëhet fjalë konkretisht për të arrestuarit e identifikuar me emra Nikë Markaj, 45 vjeç dhe dy djemtë e tij, Gjon Markaj, 23 vjeç dhe Aleks Markaj 22 vjeç, banues në fshatin Tetaj, Tropojë, të cilët sipas policisë pas një konflikti për motive të dobëta, kanë goditur me thikë P. Gj., 44 vjeç ngjarje e ndodhur në aksin rrugor Lekbibaj-Fierzë, në afërsi të vendit të quajtur “Shkëmbi i Rajës”. Pas sherrit kanë dëmtuar automjetin e tij.
Pritet që të arrestuarit të përballenb me akuzën për veprën penale “Plagosja e rëndë me dashje”,kryer në bashkëpunim, “Shkatërrimi i pronës” dhe “Mbajtja pa leje e armëve të ftohta”.
