Akademiku Artan Fuga nw njw dalje publike ka folur për vendimin e Bashës për përjashtimin e Berishës nga grupi i PD-së.
Akademiku Fuga u shpreh se Basha kishte frikë nga dy rreziqe. I pari është që grupi nuk do ta përkrahte në këtë vebndim dhe do të duhej pastaj të tërhiqej , ose do të kishte një përçarje në parti.
Për sa i përket akuzave që ky vendim është për shkak të George Soros, Artan Fuga deklaroi se nuk i beson aspak këtyre teorive pasi Ambasadorja padiskutim përfaqëson zërin e DASH.
“Kam një analizë në tre nivele. A kishte mundësi z.Basha ta plotësonte kërkesën që iu shtrua hapur nga Ambasadorja e SHBA-ve, që padiskutim shpreh zërin e DASH, dhe nuk besoj kurrë se kjo politikë është e fondacionit George Soros. Kur kjo i kërkohet të distancohet nga z.Berisha jam munduar të vihem në rolin e z.Basha. A mund ta hapi a i këtë problem përpara militantëve, grupit të deputetëve, këshillit drejtues? Sigurisht demokracia kështu do ta donte, por ai ka pasur ndrojtje që do t’i ndodhnin dy rreziqe. I pari do ishte që të mos krijonte dot shumicën. Grupi i deputetëve t’i thoshte jo. Z.Berisha është simboli jonë, imazhi jonë, ka dhënë një kontribut për krijimin e kësaj aleance me SHBA-të. Në ate moment do duhej të jepte dorëheqjen. E dyta, do të ndodhte që Partia t’i ndahej në dy grupe. Partia do të çahej dhe do zgjaste me muaj të tërë. Po të aplikonte demokracinë do të dilte i humbur”, u shpreh ai.
Ai më tej foli dhe për termin e z.Basha i cili refuzon të thotë se Berisha është përjashtuar por thotë se nuk do të jetë përkohësisht. Sipas Fugës kjo tentativë është me qëllim nga Basha.
“Z.Basha përdor fjalën nuk do të jetë më pjesë. Kjo tregon teknikë. Ai nga njëra anë do të qetësojë z.Berisha dhe elektoratitn, duke thënë unë e njoh kontributin e z.Berisha dhe nuk kemi arsye për ta përjashtuar, por na është kërkuar nga partnerët tanë strategjikë. Ky dyzim faktin nuk e ndryshon. Por ndryshon perceptimin tonë për teknikat e ndjekura. Kryetari i PD-së z.Basha ndërmerr një veprim në një moment të caktuar duke menduar se kjo do të zgjidhte një lloj ngërçi midis tij dhe pozicionit të SHBA-ve, aleatit strategjik të Shqipërisë”, tha ai.
Në këtë vendim, Artan Fuga sheh dhe një interes të Bashës, i cili është munduar si të mbrojë karrierën e tij duke mos dalë kundër SHBA-ve.
“Patjetër është interes personal i kryetarit Basha, i cili e ka menduar edhe interesin e vet duke thënë si do mundem të drejtoj, të ruaj karrierën time në momentin që do jem në konflikt me atë që SHBA-të më kërkojnë për t’u distancuar. Por ai mendon që në këtë mënyrë do të çlironte dhe tensionet e PD-së me politikën e SHBA-ve në raport me z.Berisha, duke argumentuar se në këtë mënyrë i hap rrugën kësaj force për të ardhur në pushtet. A do ndodhë kjo apo jo do e tregojë historia“, theksoi ai.
