Ben Affleck iu desh të përballej me një fans që kërkonte me ngulm të bënte selfie me të dhe të dashurën e tij, Jennifer Lopez. Kjo ndodhi gjatë kohës kur çifti po dilte nga Venecia pas festivalit të filmit, shkruan “People”.
Aktori u fotografua në aeroport duke u përballur fizikisht me fansin pa maskë, i cili u afrua më tepër se ç’duhej, ndërsa përpiqej me forcë të bënte fotografi me çiftin.
Affleck ishte i pari që e largoi burrin nga Lopez, ndërsa ajo u tërhoq prapa në mes të kaosit të shkaktuar. Shumë shpejt, truproja e tyre personale e kapi fansin nga duart dhe e largoi nga çifti i famshëm.
Pas kësaj, Lopez dhe Affleck bashkuan duart dhe vazhduan rrugën përmes aeroportit, duke mbajtur kokën poshtë për të shmangur kontaktin me sy me personat e tjerë që ishin të pranishëm.
Ky incident ishte mbyllja e një udhëtimi të këndshëm në Venecia, ku çifti u shfaqën bashkë pas rindezjes së romancës së tyre këtë pranverë. Lopez dhe Affleck dolën për herë të parë në tapetin e kuq pas 17 vitesh, ku shkëmbyen edhe një puthje në buzë.
