Në konferencën e përbashkët me kryeministrin Edi Rama, kancelarja Angela Merkel iu është përgjigjur pyetjeve të gazetareve.
E pyetur nëse Procesi i Berlinit i iniciuar nga vetë ajo është dështim, kancelarja gjermane tha se nuk e konsideron si të tillë, dhe se gjërat janë në rrugën e duhur.
“Jo, nuk e konsideroj si të tillë. Nuk mund të themi që ka mbaruar ndërtimi i autostradave, por projekte janë inicuar. Nuk ka ndodhur gjithçka. Unë jam takuar me përfaqësues të një organizate joqeveritare. Vuçiç dhe Rama nuk kanë pasur shkëmbime, që prej kur u takuan ndryshuan shumë gjëra. Ndoshta disa gjëra marrin më shumë kohë sesa duhej. Shumëçka është në rrugën e duhur”, tha Merkel.
