Ka shkuar në 4 numri i personave të arrestuar, katër të tjerë janë shpallur në kërkim dhe një është proceduar penalisht si persona të përfshirë në një grup të përfshirë në veprimtarinë e shpërndarjes së lëndëve narkotike.
Policia njofton se në kuadër të operacionit policor të koduar “Hudënishti”, është bërë i mundur edhe sekuestrimi i 38 kilogramë të tjera lëndë e dyshuar narkotike kanabis, e ndarë në pako, sasi e destinuar për t’u trafikuar jashtë vendit.
Në njoftimin për shtyp nga policia gjithashtu theksohet se, ato ishin informuar se në liqenin e Pogradecit, u konstatua një mjet lundrues tip skaf, me të cilin autorët e dyshuar, po trafikonin drejt Maqedonisë së Veriut, një sasi prej 38 kg lëndë të dyshuar narkotike kanabis.
Ndërkohë, vijon puna për dokumentimin e plotë të ngjarjes, kapjen dhe vënien përpara përgjegjësisë ligjore të personave të tjerë të dyshuar si të implikuar në këtë veprimtari kriminale. / A.L Gijotina.com /
