Frika nga tërmeti ka rritur numrin e qytetarëve të siguruar gjatë këtij viti. Sipas të dhënave të publikuar nga Autoriteti i Mbikëqyrjes Financiare, primet e sigurimit vullnetar, gjatë periudhës janar-korrik 2021 arritën rreth 4.5 miliardë lekë, 27.79 % më shumë se në periudhën janar-korrik 2020.
AMF sqaron se kjo rritje e ka fillua të ndihet që në fillim të viti 2020, për shkak tërmetit që goditi vendin tonë në 26 nëntor 2019, por edhe shëprthimin e pandemisë në prill 2020. Ndërsa në muajt e parë të këtij viti u vërejt numër akoma më i lartë i të siguruarve, duke marrë shkas nga zjarret e shkaktuara së fundmi.
Autoriteti raporton se edhe numri i kontratave të sigurimit vullnetar u rrit me 6.91 % krahasuar me periudhën janar-korrik 2020. Sakaq, bëhet me dije se në portofolat e “pronës, përgjegjësive dhe garancive”, të cilat gjatë periudhës janar-korrik 2021 siguruan mbi 2.2 miliardë lekë të ardhura në total, vendin e parë e zunë “zjarri dhe dëmtime të tjera në pronë” me rreth 64.39 %, të pasuara nga “sigurimi i përgjegjësisë së përgjithshme” me 26.61 % të totalit.
Ndërsa, në portofolin “sigurimi nga zjarri dhe forcat e natyrës”, gjatë periudhës janar-korrik 2021, vihet re një rritje prej 48.54 % e volumit të primeve të shkruara bruto të këtij portofoli dhe një rritje me 10.08 % e numrit të kontratave të sigurimit, krahasuar me periudhën janar-korrik 2020.
