Policia në Mallkastër ka arrestuar mëngjesin e sotëm dy persona. Bëhet fjalë konkretisht për personin e identifikuar me emrin Neim Aliaj 43 vjeç, banues në Drenovë i cili ishte shpallur në kërkim për vjedhje. Për këtë arsye policia jep detaje se i arrestuarit pritet të vuajë dënimin me 6 muaj burg për veprën penale “Vjedhja”.
Gjithashtu uniformat blu në këtë qytet kanë vënë në pranga edhe personin e identifikuar me emrin Vladimir Krasniqi 45 vjeç, banues në Çukas, Lushnjë, i cili është kapur duke vjedhur energji elektrike, për të cilën pritet të përballet me akuzën për këtë vepër penale, pas marrjes në pyetje nga policia.
Sakaq policia e Fierit ka arrestuar në flagrancë edhe personin e identifikuar me emrin Luan Çela 57 vjeç, banues në Ngurrëz, Lushnjë, pasi në fshatin Ngurrëz, duke drejtuar automjetin tip “Benz”, i pa pajisur me leje drejtimi, është përplasur me motomjetin tip “Kinlon” me drejtues K. Gj., 20 vjeç, i cili është dëmtuar dhe ndodhet në spital jashtë rrezikut për jetën. Pritet që i arrestuari të përballet me akuzën për veprat penale “Shkelje e rregullave të qarkullimit rrugor” dhe “Drejtim i mjetit në mënyrë të parregullt”. / A.L Gijotina.com /
