Dy persona kanë rënë në prangat e policisë së Durrësit, pasi janë konstatuar duke drejtuar mjetet në mënyrë të papërshtatshme.
Sipas njoftimit, është arrestuar H. K., 45 vjeç, banues në Durrës, pasi u konstatua në lagjen nr.13, duke drejtuar automjetin tip “Volkswagen”, në gjendje të dehur.
Gjithashtu, në pranga ka rënë edhe D. H., 20 vjeç, banues në Durrës, pasi ditën e djeshme, duke drejtuar mjetin tip “Ford”, është përplasur me motomjetin me drejtues N. K., 35 vjeç, i cili ndodhet nën kujdesin e mjekëve.
Është shpallur në kërkim P. N., 21 vjeç, pasi dyshohet se i ka vënë zjarrin mjetit tip “Ford”, në pronësi të M. P., si dhe ka dëmtuar mjetin tip “Ford”, në pronësi të F. P., të cilët i kishin parkuar pranë banesës.
Ndër të tjera, është proceduar penalisht S. K., banues në fshatin Shkafane, Durrës, pasi i ka vënë zjarrin tokës së tij për të djegur barishtet, por zjarri i ka dalë nga kontrollit dhe si pasojë janë djegur disa rrënjë ullinj në pronën e tij. Materialet i kaluan Prokurorisë së Rrethit Gjyqësor Durrës, për veprime të mëtejshme. D.L /Gijotina.com
