Jemi mësuar të dëgjojmë çudira nga më të ndryshme në vendin tonë, por këtë asnjëherë deri më tani.
Të ndërtohet një stadium dhe në vend që të luhen ndeshjet e Kombëtares dhe takimet më të rëndësishme të futbollit të vendit tonë, ai rezervohet më parë për koncerte.
Kombëtarja luajti ndeshjet kualifikuese të Botërorit ‘Qatar 2022’ në ‘Elbasan Arena’, pasi stadiumi ‘Air Albania’ nuk ishte gati, pasi po ndërrohej tapeti i fushës. Një punë që ndoshta mund të ishte bërë më parë duke ditur datat se kur do të luante përfaqësuesja jonë.
Më pas edhe pse fusha u rregullua aty ende nuk po zhvillohet asnjë prej ndeshjeve të Kategorisë Superiore, të cilat janë dërguar në ‘Elbasan Arena’.
Të gjitha këto kanë vetëm një arsye, pasi impianti më i mirë në vendin tonë është i rezervuar për koncertin e 17 shtatorit të shqiptarit me famë ndërkombëtare, Ermal Metës.
Pra duket se më shumë rëndësi ka që stadiumi kryesor të përdoret për koncertet se sa për ndeshjet më të rëndësishme të futbolli./K.T/ Gijotina.com
