Kapiteni i skuadrës së Vllaznisë, Erdenis Gurishta ka paralajmëruar Teutën për duelin e së shtunës.
“Që Vllaznia është pretendente, kjo nuk diskutohet, por gjithsesi është herët të flasim sepse shumë ekipe janë forcuar. Unë mendoj se do të jetë një kampionat shumë i fortë deri në fund.
Do jetë një ndeshje tjetër këtë herë. Të dyja ekipet vijnë pas fitoreve në javën e parë, por normalisht që ne do të kërkojmë trepikëshin sepse luajmë në fushën tonë dhe kemi tifozërinë një armë plus.
Teuta është po ajo skuadër e vitit të kaluar. Një skuadër cinike, që di të marrë maksimumin në momente të caktuara. Por, besoj se ditën e shtunë në Shkodër takimi do të flasë në favorin tonë.”
