Këshilli i Lartë i Prokurorisë ka nisur të plotësojë vakancat e krijuara nga procesi i vettingut. Që kur ka nisur procesi i rivlerësimit për gjyqtarët dhe prokurorët në vend, në institucionet e drejtësisë janë krijuar shumë boshllëqe në stafe. Kjo pasi nga totali i atyre subjekteve që kanë hyrë nën sitën e KPK mbi 70% nuk kanë mundur ta kalojnë me sukses dhe për këtë arsye janë shkarkuar nga puna. Ndërsa, raportohet edhe një numë ri lartë i të dorëhequrve nga frika e vettingut.
Prandaj, për këtë sezon të ri institucionet përgjegjëse kanë nisur menjëherë nga punë për të emëruar punonjësit e rinj. Në këtë kuadër, ditën e djeshme Këshilli i Lartë i Prokurorisë ka caktuar në detyrë Dhorina Theodhori në pozicionin e drejtuesit të Prokurorisë pranë Gjykatës së Parë Korçë. KLP po ashtu ka caktuar në detyrë Abaz Muçën në pozicionin e drejtuesit të Prokurorisë pranë Gjykatës së Parë Mat. Me këto dy emërime, shkon në 7 numrin e drejtuesve të emëruar nga KLP për një periudhë 3 vjeçare.
Emërime drejtues prokurorie
1.Anita Jella – Prokuroria Durrës
2.Elizabeta Imeraj – Prokuroria e Tiranës
3.Artan Shtrungza- Prokuroria e Tropojës
4.Kreshnik Ajazi- Prokuroria Elbasan
5.Genti Xholi – Prokuroria e Apelit Tiranë
6.Dhorina Theodori- Prokuroai Korçë
7.Abaz Muça-Prokuroria Mat
E.H/ gijotina.com
