Një aksident i rëndë është shënuar mbrëmjen e sotme në aksin rrugor Lezhë-Shkodër, në afërsi të Dajçit.
Raportohet se ka ndërruar jetë Liza Daija., 60 vjeçe, e cila ndodhej pasagjere në motor ku edhe ka marrë dëmtime bashkëshorti i saj, Fran Daija, 62 vjeç, banues në Dajç, drejtuesi i motorit.
Aksidenti i rëndë ka ndodhur rreth orës 19:30, në aksin rrugor Lezhë-Shkodër, në fshatin Dajç, ku një makinë tip “Benz” është përplasur me një motor.
Drejtuesi i makinës është shoqëruar në ambientet e Komisariatit të Policisë Lezhë, për veprime të mëtejshme.
Kujtojmë, që muaji më parë pikërisht në këtë vend, një aksident tepër i rëndë i mori jetën gazetari Eduart Grishaj.
