Sekretari i Përgjithshëm i Partisë Demokratike, Gazment Bardhi, është përgjigjur në lidhje më referendumin i paralajmëruar nga ish-kryeministri Sali Berisha me firmat e anëtarëve të Kuvendit Kombëtar të Partisë Demokratike mund të mos funksionojë.
Në një emision televiziv, Bardhi është shprehur se statuti i Partisë Demokratike nuk e njeh referendumin.
Ai gjithashtu shtoi se nëse ndryshohet statuti, mund edhe të bëhet, por referendumi është diçka që njihet nga Partia Socialiste.
“PD-ja nuk e njeh referendumin. PS-ja e njeh, kryetari i asaj partie është zgjedhur me referendum, por jo PD-ja. Statuti nuk e pranon. Kuvendi Kombëtar mund të ndryshojë statutin, kjo mund të ndodhë,”- tha Bardhi.
Ish-kryeministri, Sali Berisha, është shprehur ditën e sotme se nga takimet në të gjitha strukturat e PD në të gjithë vendin, do të kërkojë që të mblidhen 1500 firmat e nevojshme të delegatëve për të mbledhur Kuvendin Kombëtar, në mënyrë që për përjashtimin e tij nga ana e kryetarit Luzlim Basha, të vendosin forumet.
