Zona e quajtur ish-Fabrika e Çimentos në Vlorë, prej vitesh është totalisht e harruar. Përveç mungesës së investimeve në infrastrukturë, në këtë zonë ka shumë mbetje inertesh që vijojnë të mbeten në zonë pa u larguar nga askush.
Disa banorë thonë se prej vitesh bashkia nuk e pastron lagjen e tyre. E ndodhur vetëm 1 km larg qendrës së qytetit, plehrat dhe mbetjet inerte gjenden në çdo cep të lagjes.
Një tjetër problem janë edhe rrugët në zonë, të cilat janë të amortizuara dhe që pushtetarët i shohin vetëm në kohë fushate.
Lagjet periferike vijojnë të vuajnë nga mungesa e investimeve, probleme qe vijojnë prej shumë vitesh.
