Kryeministri Edi Rama, së bashku me 16 ministrat e emëruar prej tij në mandatin e ri qeverisës, pritet që ditën e sotme në orën 10:00 të paraqiten në Presidencë për t’u betuar para presidentit Ilir Meta ashtu siç e kërkon procedura në Kushtetutë.
Dy ditë më parë, Meta bëri edhe dekretimin zyrtar të ministrave të kabinetit pasi u sigurua se këta të fundit nuk kishin precedent kriminalë apo dosje të hapura nëpër prokurori.
Situata është pak e çuditshme pasi në datën 9 Qershor të këtij viti, Kuvendi votoi pro shkarkimit të Ilir Metës nga posti i Presidentit, ndërsa nisma u ndërmor nga vetë mazhoranca.
Por vendimi i tyre mbeti e pavlefshme sepse çështja shkoi në Gjykatë Kushtetuese dhe u la një afat kohor prej 3 muajsh në mënyrë që të merrej një vendim, ndonëse ky afat kohor është drejt përfundimit, Gjykata Kushtetuese ende nuk ka dhënë një përgjigje konkrete.
Tashmë konfliktet mes presidentit dhe qeverisë, duket se janë zbutur e për këtë arsye, sot Rama dhe ministrat do të betohen para personit që votuan tre muaj më parë për ta shkarkuar.
