Gjatë tensioneve të fundit mes Gazës dhe izraelit, është shkatërruar ndërtesa ku ndodhej një organizatë joqeveritare turke në Rripin e Gazës.
Në lidhje me këtë ngjarje ka reaguar zëvendës presidenti turk Fuat Oktay i cili ka kritikuar fuqitë e mëdha për qëndrimin e tyre ndaj këtyre ngjarjeve ku deri më tani kanë humbur jetën 74 persona dhe janë plagosur qindra të tjerë,
Oktay është shprehur se fuqitë e mëdha duhet të marrin masa dhe të ndërhyjnë në normalizimin e situatën në Gaza.
“Ajo që ne duam është që të merren masa. Vendimet merren vazhdimisht në OKB, bëhen bindje. Për fat të keq, asnjë rezultat nuk është arritur, sepse një qëndrim i qartë nuk është miratuar,” ka thënë ai.
Ndër të tjera ai ka bërë thirrje që vendet myslimane duhet të tregojnë një qëndrim të qartë dhe të përbashkët në konfliktin midis palestinezëve dhe Izraelit
Ditët e fundit, Hamas ka qëlluar me qindra raketa në qytete izraelite dhe Izraeli ka filluar sulmet në Rripin e Gazës. Ndërsa konflikti fillon të ngjajë me luftën e Gazës 2014, fuqitë botërore po bëjnë thirrje për një përshkallëzim të tensioneve dhe Shtetet e Bashkuara planifikojnë të dërgojnë një të dërguar për të biseduar me izraelitët dhe palestinezët.
Presidenti turk Rexhep Tajip Erdogan tha të shtunën se Izraeli është një “shtet terrorist”. Nga ana e tij, Oktay theksoi se muslimanët kanë për detyrë të veprojnë. “Kushdo që nuk tregon një qëndrim të qartë kundër kësaj është një bashkëpunëtor në këtë torturë,” tha nënkryetari turk.
