Ambasada amerikane në Tiranë ka dhënë sot një mesazh të rëndësishëm në lidhje me situatën e krijuar nga koronavirusi në të gjithë botën. Përmes një postimi në Facebook Ambasada ka ndarë mesazhin e një epidemiologeje, e cila aktualisht ndodhet në Tiranë dhe merret me koronavirusin. Në mesazhin e saj, epidemiologia amerikane iu tregon shqiptarëve si të përballojnë situatën me virusin e të mos infektohen, ose të shmangin shtrimin në spital.
Sipas mjekes, e cila ka qenë pedagoge në universitetin e Harvardit për 13 vite, është shumë e rëndësishme të vaksinohemi, me secilën vaksinë, pasi të gjitha janë të sigurta
“Duhet të vaksinoheni. Kur më pyesin se cila është vaksina më e mirë, vaksina më e mirë është e para në të cilën mund të keni qasje. Janë të miratuara, janë të vlerësuara me kujdes, janë të sigurta. Kam parë të dhëna të pavarura për të demonstruar se të gjitha vaksinat e disponueshme në Shqipëri janë të sigurta. Prandaj, merrni pak kohë për t’u vaksinuar vetë dhe gjithashtu familja juaj, për të mbrojtur të gjithë në familjen tuaj nga sëmundja. Nëse vaksinoheni keni 10 herë më pak mundësi të sëmureni nga Covid, 10 herë më pak mundësi për të shkuar në spital”, shprehet ajo.
Ndër të tjera mjekja këshillon që të mbajmë maskën në ambientet e mbyllura dhe në vendet ku ka shumë njerëz. “ E dyta është se ne duhet të vazhdojmë të mbajmë maska. Është ajo që është, na ndihmon të parandalojmë Covid. Rastet e Covid që po ndodhin në Shqipëri tani, mund të parandalohen duke mbajtur maskën. Pra, kur jeni brenda vendosni një maskë, kur jeni në autobus vendosni një maskë, kur jeni jashtë në ajër të hapur dhe nuk është askush përreth jush nuk ka nevojë të mbani maskë. Dhe më në fund nëse nuk ndiheni mirë, qëndroni në shtëpi”, thotë ajo.
Në fund ajo këshillon që nëse jeni pozitivë duhet të qëndronin patjetër në shtëpi, për të mos rrezikuar të tjerët.
E.H/ gijotina.com/
