Presidenti Meta ka shprehur ngushëllimet e tij për ndarjen nga jeta të ish-zyrtarit të LSI, Ilir Dashi.
Përmes një postimi në Facebook ai shkruan se Dashi ishte në kulmin e energjive dhe angazhimeve të tij dhe se është i prekur thellë për humbjen e parakohshme të një miku të paharruar.
“I prekur thellë nga humbja e parakohshme e mikut të paharruar, Ilir Dashi.
Shumë dhembje për ndarjen e tij nga jeta, në kulmin e energjive dhe angazhimeve të shumta.
Ngushëllimet më të ndjera familjarëve, miqve dhe kolegëve të tij!
Të prehet në paqen e merituar!”- thotë Ilir Meta.
Theksojmë se ish-zyrtari i LSI, Ilir Dashi është ndarë nga jeta në mënyrë të parakohshme, i cili prej më shumë se 1 viti jetonte në Afrikë së bashku me gruan e tij. Lajmin e kanë bërë me dije ish-kolegë dhe miq, të cilët kanë shprehur keqardhjen dhe ngushëllimet e tyre për ikjen nga jeta të Dashit.
Ende nuk janë bërë me dije shkaqet e ikjes nga jeta të ish-zyrtarit të LSI.