Agjencisë së Parqeve dhe Rekreacionit, e cila vepron nën juridiksionin e Bashkisë Tiranë, ka bërë një tender me vlerë 583 milion lekë për ndërtimin e një piste vrapimi në Parkun e Liqenit Artificial të Tiranës, me procedurë pa garë.
Kompania fituese është “G.A.C”, që kishte ofruar rreth 467 mijë euro ose 99.7% e fondit limit për ndërtimin e projektit. Në tender garuan tre kompani, dy prej të cilave janë skualifikuar për mosplotësim dokumentacioni.
Kjo kompani, mes viteve 2019 dhe 2021 ka përfituar 1 milion euro nga Agjencia e Parqeve dhe Rekreacionit.
Ndërsa në dhjetor 2020, ajo u shpall fituese e tenderit për ndërtimin e fushave të tenisit në Parkun e Liqenit me ofertë 99.6% të fondit limit, pas skualifikimit të 8 kompanive garuese.
Në nëntor 2020, G.A.C fitoi tenderin “Kënde lojërash të personalizuara me imazhe të Qytetit të Tiranës”, ku konkurroi e vetme me ofertë 99% të fondit limit.
Kompania në fjalë rezulton fituese në disa tendera dhe ka garuar e vetme, ose pas skualifikimit të konkurrentëve.
