Policia ndalon inxhinierin e galerisë në Bulqizë ku humbi jetën minatori Muharrem Plaku. Pasi është gjetur trupi i pajetë mëngjesin e sotëm në minierën e Bulqizës, Prokuroria e Dibrës ka nisur sot hetimet për shkaqet e vdekjes së minatorit Muharrem Plaku. Në këtë kuadër ër vdekjen e minatorit janë shoqëruar në komisariat Inxhinieri teknik si dhe përgjegjësi i punimeve të galerisë ku ndodhi aksidenti.
Sipas të dhënave paraprake, hetimi është përqendruar në dy pista, vdekje nga asfiksia dhe vdekja si pasojë e rënies së masivit shkëmbor. Ndërsa kujtojmë se, edhe Bashkia e Bulqizës u kujtua të reagonte vetëm pas 5 ditësh që kur minatori ishte bllokuar në galeri. Dje kryebashkiaku Lefter Alla mundi të reagonte vetëm përmes një postimi në Facebook, por pa mbajtur asnjë përgjegjësi.
Minatori i cili u gjet i vdekur pas 6 ditësh kërkime në një nga galeritë private të kromit në Bulqizë është dërguar pranë familjarëve të tij për të kryer ceremoninë mortore. Trupi i pajetë i Muharrem Plakut u gjet mbrëmjen e një nate më parë dhe më pas u dërgua në morgun e spitali Bulqizë për të kryer autopsinë.
E.H/ gijotina.com/
