Akademia e Shkencave raporton se mbi 73% e qytetarëve në vend kanë fituar imunitet nga koronavirusi dhe këtu përfshihen qytetarë t moshave 25-75 vjeç. Akademia njofton se në këto konkluzione ka arritur pas një studimi të zhvilluar në gjashtë muajt e fundit në terren. Ndërsa sqarohet se imunizimin është krijuar pas valës së tretë që kaluam nga dy variantet e reja, Alfa dhe Delta.
“Akademisë së Shkencave ka monitoruar që në 6-mujorin e parë të Pandemisë nivelin e seroprevalences se antitrupave anti SARS-CoV-2 në popullatën shqiptare. Në të tre fazat e studimit të seroprevalencës në një kampion sinjifikativ të popullatës urbane të Qytetin e Tiranës, u aplikua e njëjta metodologji. Ne Fazën e tretë të studimit që filloi në 16 qershor 2021 deri 23 korrik 2021 u thirrën për testim 1527 banorë të moshës 20 deri 75 vjeç të cilët u përzgjodhën në mënyrë krejt të rastësishme nga listat e regjistrave të mjekëve të familjes. Seroprevalenca e përgjithshme e antitrupave IgG specifike anti S1-SARS-CoV-2 rezultoi 73.3%. Sipas të gjitha gjasave kjo përqindje pasqyron gjendjen imunitare të popullatës shqiptare pas valës së tretë të COVID-19 që u shkaktua nga variant Alfa dhe përpara valës aktuale Delta”, thuhet në deklaratë.
Më tej, Akademia ka bërë thirrje që është e nevojshme të imunizohet edhe pjesa e mbetur e popullsisë, që të arrijmë imunitet masiv. Por për këtë ata sugjerojnë që të fillojë vaksinimi edhe për të rinjtë mbi 12 vjeç.
Nga kjo mund të konkludojmë se aktualisht nevojitet një imunizim i shpejtë vaksinal i të paktën 20% të popullatës shqiptare akoma të pavaksinuar me qëllim arritjen e pragut të ri të imunitetit kolektiv qe vlerësohet në rreth 90% te popullatës për variantin Delta. Për të parandaluar riinfektimet në individët e vaksinuar apo që e kanë kaluar infeksionin mbi 6 muaj përpara, diskutohet kryerja e një doze përforcuese vaksine në moshat mbi 60 vjeç, si dhe në ata me sëmundje shoqëruese imunodeprimuese. Kjo është në përputhje me rekomandimet aktuale shkencore ndërkombëtare. Gjithashtu të planifikohet dhe rekomandohet vaksinimi i të rinjve mbi moshën 12 vjeç me vaksina të miratuara për këto mosha. Siç sugjerojnë të dhënat e fundit shkencore, një dozë e vetme vaksine në këto mosha duhet të jetë e mjaftueshme për parandalimin e përhapjes së infeksionit COVID-19 nëpër klasat shkollore. Vaksinimi i të rinjve mbi 12 vjeç t’u rekomandohet prindërve vetëm për ata të rinj që nuk e kanë kaluar infeksionin dhe sidomos për ata që kanë sëmundje shoqëruese kronike”, thuhet ndër të tjera në studim.
Sipas Akademisë duhet të arrihet sa më parë imunizimi i plotë në të kundërtën niveli do fillojë të bjerë sërish.
E.H/ gijotina.com/
