Ditën e shtunë në pallatin e sportit “Qazim Dervishi” në Shkodër u ndërpre finalja e madhe e kampionatit kombëtar të boksit pas sherrit masiv ndërmjet boksierëve të Tiranës dhe atyre të Vllaznisë si dhe përleshjes së tifozëve.
U desh ndërhyrja e policisë për të normalizuar situatën teksa skuadra e Tiranës u ndërhoq nga gara.
Dhuna ka tronditur edhe kreun e Federatës Shqiptare të Boksit. Florend Kalivopulli i cili ka njoftuar dorëheqjen e tij.
“Të dashur miq! Duke reflektuar ndaj komunitetit të boksit, i cili më të drejtë është i shqetësuar, kam vendosur që në ditët në vazhdim të thërras KE-në e Federatës Shqiptare të Boksit dhe t’ju kërkoj atyre dorëheqjen time. Shkak për këtë gjë ishin incidentet e ndodhura në qytetin e Shkodrës gjatë zhvillimit të kampionatit kombëtar. Jam munduar që me pasion dhe dashuri pa fund të bëja më të mirën. Boksi nuk duhet të ndalet. Rrugëtimi i tij premton…”, shkruan Kalivopulli në deklaratën e tij.
