Një lajm i bujshëm po qarkullon në mediat sportive europiane ku mësohet se një punonjëse e një agjencie udhëtimi i ka zhdukur Cristiano Ronaldos një shumë të majme financiare.
Referuar gazetës “Jornal de noticias”, në vitet e fundit Kristiano Ronaldo ka qenë pjesë e një skeme mashtrimi në një agjenci udhëtimesh të cilës ai i besonte lëvizjet e tij dhe të familjes. Një punonjëse ka përfituar duke faturuar për shërbime që nuk janë kryer kurrë.
Në 3 vitet e fundit janë bërë rreth 200 udhëtime fiktive, për një shumë prej 288 mijë eurosh që është tërhequr nga llogaritë e Ronaldos. Një mashtrim financiar, viktima të të cilit kanë përfunduar edhe emra si menaxheri i portugezit, Horge Mendes, apo edhe Nani e Manuel Fernandes.
Personi përgjegjës për mashtrimin është dënuar nga një gjykatë duke u detyruar t’i kthejë shumën viktimave ku përfshihet edhe Cristiano Ronaldo.
