Tensioneve mes Serbisë dhe Kosovës i është shtuar edhe deklarata kërcënuese e Marko Djuriç, ambasadori i Serbisë në shtetet e Bashkuara të Amerikës. Ai ka reaguar ditën e sotme lidhur me vendimin e kryeministrit të Kosovës, Albin Kurti, për reciprocitetin e targave, duke thënë se vendimi i Kurtit do të sjellë destabilizim në rajon dhe pasojat mund të jenë fatale.
Ai e ka kërcënuar Kurtin duke kërkuar të mos luajë me zjarrin para se të jetë shumë vonë.
“Regjimi i Kurtit në Kosovë po e shtyn rajonin në prag të gjakderdhjes. Dërgimi i forcave speciale të armatosura rëndë në zonat me shumicë serbe vetëm për të marrë pikë të lira politike në garën për zgjedhjet lokale të 17 tetorit është kërcënuese për jetën dhe shkel të gjitha marrëveshjet. Ju lutemi ndaloni të luani me zjarrin para se të jetë vonë”, ka shkruar ambasadori serb në rrjetin social Tëitter.
Djuriç nuk është ndalur me kaq por ka akuzuar Kurtin se po përdor armatime të vjedhura për të trembur popullsinë serbe.
