Sevilla ka shkarkuar futbollistin 24-vjeçar Joris Gnagnon, kontrata e të cilit me klubin e Nervion ishte në fuqi deri në qershor 2023.
Sipas raportimeve të ‘Diario de Sevilla’ francezi, i cili nuk ishte i regjistruar në La Liga, ka parë sesi ekipi i Sevillas e ka mbyllur kontratën e tij për mungesë profesionalizmi.
Ndër argumentet që lidhen me këtë vendim është mungesa e disiplinës së tij mbi formën fizike që kërkohet minimalisht në një profesionist me konkurrencë të lartë.
Gnagnon ka luajtur 17 ndeshje: shtatë në Ligë, plus katër në Kupën e Mbretit dhe gjashtë në Ligën e Evropës, të gjitha në sezonin e tij të parë, 2018-2019./K.T/Gijotina.com
