Ekspertiza mjekoligjore për minatorin, i cili humbi jetën në minierën e Bulqizës tregon se shkak i vdekjes ishte mungesa e oksigjenit. Raporti mjekoligjor tregon se nga bllokimi në atë thellësi ka pasur mungesë oksigjeni dhe si pasojë minatori është asfiksuar.
Pas ekspertizës së kryer trupi i pa jetë i 60-vjecarit u është dhënë familjarëve për të kryer ritet e fundit mortore. Kujtojmë se, Muharrem Plaku mbeti i bllokuar brenda minierës shtatë ditë më parë. U raportua se minatori u përpoq që të fshihej brenda një godine që ishte ndërtuar brenda minierës për të shpëtuar, mirëpo as ajo nuk e shpëtoi dot nga vdekja.
Për ngjarjen janë arrestuar Inxhinieri teknik Veli Losha, si dhe përgjegjësi i punimeve të galerisë ku ndodhi aksidenti Saba Hasani.
E.H/ gijotina.com/
