Dy vajza të mitura në Kosovë janë zhdukur prej gati dy muajsh. Policia e Kosovës njofton se mamaja e tyre ka bërë denoncimin sot, pasi dy vajzat e saj të mitura janë larguar që në 23 korrik të këtij viti nga shtëpia dhe nuk kanë kontaktuar aspak me familjen.
Sipas nënës, vajzat e saj mund të gjenden në Shqipëri duke punuar pasi edhe më parë kanë tentuar për të kaluar kufirin për në Shqipëri.
“Më datë 20.09.2021 ankuesja femër kosovare ka raportuar se dy vajzat e saj të mitura kanë dal nga shtëpia me datë 23.07.2021 dhe që nga ajo ditë nuk dihet për vendndodhjen e tyre. Sipas ankueses dyshohet se vajzat e saj mund të gjenden në Shqipëri duke punuar pasi edhe më parë kanë tentuar për të kaluar kufirin për në Shqipëri”, thuhet në raport.
Ndërkohë, policia kosovare njofton se rasti është nën hetime.
E.H/ gijotina.com/
