Pas takimit të djeshëm me kryesinë e Partisë Demokratike, Lulzim Basha po zhvillon një tjetër mbledhje me krerët e degëve të Shkodrës dhe Kukësit.
Sipas burimeve për Gijotina.com, Basha po i paraprin takimeve që Berisha, pas Fierit, do të ketë me demokratë e bazës në Kukës dhe Shkodër. Takimi i kreut të opozitës me dy drejtuesit e qarqeve veriore, ka si temë diskutimi aksionin e ndërmarrë nga ish-kryeministri Berisha për rikthimin e sovranitetit të PD. Nuk dihet nëse lideri demokrat po aktivizon përkrahësit për qëndresë, apo për të reduktuar simpatizantët e Berishës, që në takimin në Tiranë, ishin të shumtë.
Mbledhja po zhvillohet në selinë blu, ndërsa vjen vetëm pak orë nga takimi që ish-kryeministri dhe lideri historik i PD, Sali Berisha ka me demokratët e Fierit.
Takimi i djeshëm u shoqërua me debate të ashpra midis Bashës dhe Flamur Nokës, ku ky i fundit ka thënë se i kryedemokrati i nguli thikës pas shpine Berishës, ndërsa Basha mësohet të jetë shprehur se nuk do lejojë asnjë grupin anti-amerikan në PD.
