Reperi, producenti dhe kompozitori i njohur amerikan, Kanye West këtë herë, ka rrëfyer të gjitha sekretet e tij. Një burim i brendshëm për “The Sun” u shpreh se:
“West ndau detaje në lidhje me tradhtinë gjatë martesës së tij me Kim Kardashian.”
Kanye po i sqaronte të gjitha gjatë bisedës e cila u dëshmua vetëm nga anëtarët e ekipit të tij. Ai ishte duke folur për tradhtinë ndaj Kim dhe papritmas tregoi se ishte lidhur me Christina Milian. Burimi u shpreh se:
“Kanye ishte krenar dhe tha se sa i mirë ishte seksi, megjithëse shumë i shkurtër pas një nate në një klub. Ai nuk hyri në detaje se kur dhe ku ishte, por përmendi reperin Nick Cannon, sikur të mos donte që ai ta dinte. Dukej se ishte gjithçka në të kaluarën, por ai thjesht donte të zbulonte sekretet e tij.”
“DailyMail” ka kontaktuar me përfaqësuesin e West dhe Milian për një koment lidhur me ngjarjen. West pretendoi se ai ishte në një marrëdhënie me Milan, përpara se të njihej me Kardashian. Milian u bashkua me West në turne në vitin 2004. Ekipi i tij ishte duke qeshur dhe nuk dinin vërtet çfarë të thoshin, në një mënyrë nuk ishte shumë befasuese, sipas tyre thjesht Kanye ishte Kanye. Ata përfunduan:
“Askush nuk e di nëse Kim është në dijeni që ata ishin në një lidhje, por është e qartë se kanë qenë bashkë për vite me radhë dhe punuan bashkë. Milian gjithashtu, ka bashkëpunuar me reperin dhe producentin për këngën e saj ‘Diamonds’ në vitin 2008.”
Kardashian u divorcua nga West në shkurt të këtij viti, pas një viti të trazuar në 2020, në të cilin ajo foli për problemet e shëndetit mendor të burrit të saj. Çifti kanë katër fëmijë: North, Saint, Çikago dhe Psalm.
