Ish-kryeministri Sali Berisha ka mbërritur në Fier, ku do të takohet me anëtarësinë e PD-së ku edhe do të mbahet “Foltorja”. Ai është pritur nga qindra qytetarë që në Lushnje dhe e kanë shoqëruar deri në Fier.
Berisha ka dalë një moment nga makina duke i takuar disa prej demokratëve që po e shoqërojnë.
Në këtë qytet ishin mbledhur mijëra qytetarë si jashtë dhe brenda sallës. Sali Berisha është pritur nga kreu i PD-së së Fierit, Luan Baçi ai i cili e ka shoqëruar në ambientet e brendshme.
Makina që po përdoret për të transportuar ish-kryeministrin po shoqërohet nga dhjetëra të tjerë, të cilat janë të mbushura me flamujt me logon e PD-së, ndërkohë që edhe pse ironike i pranishëm është edhe një flamur i Shteteve të Bashkuara të Amerikës.
