Komiteti Disiplinor i FIFA -s ka vendosur një ndalim dhe një gjobë të konsiderueshme për Federatën Hungareze të Futbollit (MLSZ) në lidhje me sjelljen raciste të mbështetësve të saj gjatë ndeshjes kualifikuese të Kupës së Botës Katar 2022, mes Hungarisë dhe Anglisë më 2 shtator 2021.
Pas analizimit dhe marrjes parasysh të të gjitha rrethanave të rastit, veçanërisht seriozitetit të incidenteve (fjalë dhe veprime raciste, hedhje objektesh, ndezje fishekzjarresh, shkallë të bllokuara), Komiteti vendosi që Kombëtarja hungareze të luajë dy ndeshjet e ardhshme në shtëpi në garat e FIFA -s pa spektatorë, bëhet me dija nga faqja zyrtare e qeverisë së futbollit botëror.
Për më tepër, Komiteti i FIFA-s vendosi dhe një gjobë prej rreth 180 mijë euro.
Pozicioni i FIFA -s mbetet i vendosur dhe në kundërshtim të çdo forme racizmi dhe dhune, si dhe çdo formë tjetër diskriminimi ose abuzimi. FIFA mban një qëndrim të qartë, zero tolerancës kundër sjelljeve të tilla të neveritshme në futboll.
Kjo nënkupton se në ndeshje e Kombëtares sonë me Hungarinë që do të luhet më datë 9 tetor në transfertë, kundërshtarët tanë nuk do kenë në stadium mbështetjen e tifozëve, gjë që në njëfarë mënyre ua lehtëson pak punën./K.T/Gijotina.com
