Në hyrjen e spitalit Infektiv është krijuar kaos nga numri i lart i madh i automjeteve që lëvizin në atë zonë , si dhe nga ato automjete që duan të hyjnë në oborrin e institucionit.
Ndërkohë, mësohet se disa punonjës përpiqen që të zhbllokojnë qarkullimin, pasi nga situata e krijuar është bllokuar edhe rruga e ambulancave.
Sa i përket situatës aktuale në këtë shërbim, në njoftimin e së martës, ministria e Shëndetësisë bëri të ditur se aktualisht kujdes shëndetësor po marrin 224 pacientë. Prej tyre, 19 raportohet të jenë në gjendje të rënduar.
Kjo situatë ka ndodhur për shkak se sot janë bllokuar disa rrugë të qytetit për shkak se është “Dita pa makina” dhe është shtuar numri i urgjencave në spital.
Ndonëse ishte paralajmëruar nga Bashkia e Tiranës se sot do të rikthehej “Dita pa makina” në kuadër të “Javës Europiane të Lëvizshmërisë”, e kundërta ka ndodhur. Trafiku në qytet gëlon.
Burime për Gijotina.com janë shprehur se kaosi në kryeqytet është i madh pas lajmërimit të Bashkisë për bllokimin e disa segmenteve rrugore. Të njëjtat burime theksojnë se policia ka ndaluar makinat tek zona e Pazarit të Ri, pas ardhjes së kamerave për të vijuar me propagandën që po mban në këmbë qeverinë, ku madje dhe autobusi i Kinostudios ka ndaluar në rreth.
22 shtatori njihet botërisht si dita ku kërkohet ndërgjegjësimi i qytetarëve që të shmangin të paktën për një ditë përdorimin e tyre, të cilat janë edhe ndotëset kryesore të ajrit.
Njoftimi i Bashkisë për bllokimin e disa segmenteve rrugore ka shkaktuar trafik të rënduar në kryeqytet. Tirana është qyteti i parë në vend, i çili ka ndërmarrë një nismë të tillë, e cila sic do angazhim tjetër i Veliajt ka qenë dështim.
/ gijotina.com/
