Kryetarja e Parlamentit, Lindita Nikolla, theksoi në Prishtinë si të nevojshëm rritjen e bashkëpunimit Shqipëri- Kosovë. Në fjalën e saj, kryeparlamentarja shqiptare tha se, dy qeveritë shqiptare e kosovare duhet të bashkëpunojnë me njëra-tjetrën, duke treguar se ngritja e Komitetit të Përbashkët së shpejti do të ketë përfaqësues në Parlamentet e të dy vendeve
“Ne kemi marrë përsipër t’iu shërbejmë shqiptarëve në Kosovë e Shqipëri dhe për të pasur sa më shumë rezultate, duhet të kemi bashkëpunimin me njëri-tjetrin. Kjo është një vizitë që tregon se nuk kemi më kohë për të humbur, por duhet të fillojmë bashkërendimin, që rezultatet të jenë më të prekshme.
Ne inkurajojmë mbledhjet e përbashkëta të dy qeverive. Ngritja e Komitetit të Përbashkët për ta parë si po shkojnë marrëveshjet dhe dakordësimet, që dy qeveritë tona po bëjnë, do të ketë edhe përfaqësues të dy parlamenteve tona”, tha Nikolla.
Më vonë Nikolla pritet të takojë kryeministrin Albin Kurti.
E.H/ gijotina.com/
