Vrasja e bujshme e Carolinë në Greqi do të vazhdojë të jetë në qendër të vëmendjes deri në zbulimin e bashkëpunëtorit të vrasësit gjakftohtë Babis. Vëllai i pilotit 34-vjeçartheu heshtjen për herë të parë dhe foli për vrasjen e 20-vjeçares. Ai ka mohuar çdo përfshirje të mundshme në vrasjen e 20-vjeçares nga piloti. Ndërsa u shpreh i habitur për kthesën e ngjarjeve, duke u shprehur se deri në momentin e arrestimit të të vëllait kishin qëndruar pranë tij.
“Nuk jam thirrur për asnjë lloj krimi. Askush nga ne nuk e priste që Babis të ishte vrasësi. Jo vetëm unë. Unë as që e kam vizituar Babin në burg. S’kam asnjë lidhje me krimin. Mora vesh se vëllai im është vrasësi kur isha në Alonissos, ditën e arrestimit. Një gazetë ka shkruar disa gjëra që nuk përputhen me realitetin. Unë nuk dua të përfshihem fare. Ishte një lajm i rremë,”- tha ai në intervistë.
Ndërkohë që pritet arrestimi i bashkëpunëtorit të vrasësit grek, për të cilin Policia është shprehur se e ka identifikuar por nuk ka bërë me dije asnjë detaj tjetër. Babis Anagnostopulos u arrestua më shumë se një muaj pasi mbyti të shoqen në fillim të muajit maj, pasi u mundua ta fshihte krimin, duke sajuar një grabitje me protagonistë shqiptarë.
