Aleanca për Mbrotjen e Teatrit ka denoncuar paraditen e sotme avokatët Dorian Matlija dhe Dorin Dulea, të cilët kërkuan të shpallën të pavlefshme të gjitha paditët e bëra nga AMT.
Avokatja Adriana Kalaja është shprehur për mediat para Gjykatës Administrative se këto padi të dorëzuara në të njëjtën ditë nga të dy avokatët Mitilli dhe Dule, janë padi korruptive.
“Si objekt është ngritur anulimi i VKM-së për Teatrin Kombëtar. Është ngritur pretendimi për të shpallur të pavlefshme të gjithë veprimet e bëra nga AMT. Gjatë vitit të kaluar kemi konstatuar që avokatët Dorian Matlija dhe Dorin Dulea të cilët të veshur me petkun e shoqërisë civile i shërbejnë pushtetit pasi ka dorëzuar edhe padi të tjera lidhur me çështjen që ne po e diskutojmë. Nga pikëpamja juridike nuk mund të kërkohet anulimi i një akti që i ka dhënë efektet e veta. E kemi konsideruar se këto padi të dorëzuara në ditë të njëjtë nga të dy avokatët Dorian Mitilli dhe Erena Dule janë padi korruptive. Pala paditëse pati kërkuar pezullimin e çështjes deri sa të zgjidhej në Gjykatën Kushtetuese, e cila provoi se cështja nuk mund të zgjidhej në Gjykatë Administrative. Kjo padi ka mbetur sot pa bazë ligjore dhe pa objekt. Vijmë sot ku pala paditëse ka kërkuar pushimin e gjykimit”.
Sipas saj, këto padi i shërbejnë kryeministrit Rama dhe kreybashkiakut Veliaj, të cilët po përpiqen të rrëzojnë paditë për Teatrin.
“Këto janë padi korruptive, e kemi vërtetuar. Përpara se shoqata “Inpetus” të vepronte me pushimin e gjykimit, i ka kërkuar presidentit të republikës bashkëpunim. Pse ka ndodhur kjo? Në tetor në Gjergj Bojaxhiu në bashkëpunim me Erion Veliaj dhe Edi Ramën kanë kërkuar të bëjnë pis institucionet e vetme që janë në krahun tonë. Unë e çmoj si akt arbitrar. Nuk e di përse u rrëzua kjo padi , për tu legjitimuar të gjitha veprimet e Edi Ramës dhe Erion Veliajt”, tha Kalaja.
Kalaja tha se beteja e tyre ligjore ende nuk ka përfunduar dhe shtoi se çështja nëse nuk gjen zgjidhje në gjykatat e vendit, do të shkojë deri në Strasburg.
