Policia e Dibrës ka finalizuar operacionin policor “GOLOMERAN-2021”, në kuadër të të cilit u arrestuan në flagrancë pesë persona për vepra të ndryshme penale.
Sipas njoftimit, U.M., 33 vjeç, banues në Halil, Fushë-Krujë, E.B., 24 vjeç; M.B.,29 vjeç; B.S., 28 vjeç dhe E.S., 28 vjeç, të gjithë banues në Bulqizë, në bashkëpunim me njëri tjetrin, janë autorë të dyshuar të kultivimit të bimëve narkotike në vendin e quajtur “Golomeran”, në njësinë administrative Ostren, Bashkia Bulqizë.
Gjatë operacionit shërbimet e policisë i kanë gjetur të fshehur U.M., një armë zjarri automatik me 28 fishek që i posedonte pa leje. Gjithashtu është gjetur dhe sekuestruar një sasi prej 2.6 kg cananis në proces tharjeje.
Materialet procedurale i kaluan Prokurorisë Pranë Gjykatës së Shkallës së Parë Dibër për veprat penale “Prodhim e shitje narkotikësh”, kryer në bashkëpunim, “Kultivimi i bimëve narkotike”, kryer në bashkëpunim, “Armëmbajtje pa leje “ , “Moskallzim Krimi”, “Veprime që pengojnë zbulimin e së vërtetës”.
