Është arrestuar sot nga Policia e Lezhës 48-vjeçari Edmon Sufja, i cili prej kohësh kërkohej nga policia italiane. Mësohet se Sufja ka rënë në pranga të policisë pas hetimeve të vazhdueshme për personat e shpallur në kërkim ndërkombëtar. Mësohet se, i arrestuari është dënuar nga autoritetet italiane me 18 vite burgim, për veprën penale “Organizate kriminale, me qëllim trafikimin e lëndëve narkotike”. Arrestimi provizor i tij u bë në bashkëpunim me Fast Albania dhe Interpol Tirana, me qëllim ekstradimi drejt Italisë.
Strukturat e Drejtorisë Vendore të Policisë Lezhë, në bashkëpunim me Fast Albania dhe me Interpol Tirana, në vijim të punës për kapjen e personave të shpallur në kërkim ndërkombëtar, kanë bërë të mundur lokalizimin, kapjen dhe arrestimin provizor të tij me qëllim ekstradimin drejt Italisë
Ky shtetas ishte shpallur ne kërkim ndërkombëtar, pasi Gjykata e Milanos/ Itali e ka dënuar me 18 vite burg për veprën penale “Organizatë kriminale, më qëllim trafikimin e lëndëve narkotike” parashikuar nga Kodi Penal italian. Tashmë Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.
E.H/ gijotina.com/
