Fatbardh Kadilli, ish-kandidat për kreun e Partisë Demokratike ka komentuar përplasjet brenda opozitës. Gjatë një interviste për mediat ai tha se debatin mes Bashës dhe Berishës është humbje kohën për PD dhe tregon se është zbehur demokracia në këtë parti.
“Më vjen keq për të gjithën që po ndodh në PD, pasi është një shpenzim energjisë të panevojshme. Sjellja e dy personaliteteve po shpenzon energjitë dhe po shfokuson, fokusin nga goditja ndaj pushtetit dhe po degradon partinë. Akuzat e ndërsjella nuk i japin asnjë të mirë partisë, por tregojnë se partia është krejtësisht në konceptin e kryetarokracisë. Kemi një kryetar dhe asgjë tjetër nuk vlen.
Nga ana tjetër kemi një ish-kryetar që sillet si kryetar ndaj kryetarit. Përplasja e këtyre të dyve për kapjen e karriges së kryetarit nuk i jep asnjë të mirë demokratëve, nuk i sjell asnjë të mirë qytetarëve sepse nuk kanë mbrojtjen e opozitës ndaj pushtetit”, u shpreh ai.
Më tej, Kadilli parashikon se përplasja do të zgjasë dhe nuk se nuk i shërben aspak demokratëve dhe qytetarëve, përkundrazi do të dëmtoj akoma më shumë PD në vend që të luaj rolin e saj si opozitë dhe të ringrihet.
“Kjo duket se do të zgjasë, për sa kohë ish-kryetari ka nisur një fushatë. Ngjan si një luftë pallati. Të vërtetat që tentojnë t’i përdorin kundër njëri-tjetrit tregojnë se këta dy burra kanë ditur shumë dhe duhet t’i kishin vënë në dispozicion të politikës, të demokratëve dhe jo të intrigës së tyre politike. Besoj se kanë qenë të përgatitur për këtë moment”, u shpreh Kadilli.
Kadilli thekson se Berisha reagoi ndaj Bashës vetëm në momentin kur u prekën interesat e tij. Sipas Kadaillit kjo është sjelle e gabuar nga të dy ata.
“Nuk mund të pranoj ish-kryetarin, i cili menjëherë sapo preket mbijetesa e tij politike e heq maskën dhe i nxjerr kryetarit çdo defekte që i kemi nxjerr ne kritikët apo sfidantët, të gjitha dyshimet e publikut, anëtarësia. Berisha do të thotë se i ka ditur, por i ka fshehur dhe kjo është mungesë përgjegjësie”, tha a.
Sakaq ai iu kërkoi Bashës dhe Berishës që të mos mbajnë peng partinë.
E.H/ gijotina.com/
