Egnatia barazoi me rezultatin 1-1 në sfidën ndaj Turbinës e vlefshme për turin e dytë të kupës së Shqipërisë. Për trajnerin e Egnatias, Gugash Magani rezultati nuk është dramë dhe kërkon kujdes për sfidën e kampionatit.
“Është një rezultat që më kënaq, duke ditur specifikën e Kupës. Ishte një takim i luftuar. Aktivizuam tre lojtarë, që kishin pak minutazh në kampionat. Po mendojmë për ndeshjen e radhës në kampionat. Na presin takime shumë të forta, prandaj duhet të jemi të përqendruar për të bërë mirë, duke marrë fitoren e parë”, deklaroi trajneri i Egnatias Gugash Magani.
