Kreu i Partisë Agrare Ambientaliste reagoi në lidhje me termin “Vrasja e babait”, që po përdoret shpesh gjatë ditëve të fundit në lidhje me vendimin e Bashës për të nxjerrë Berishën nga Grupi Parlamentar i PD-së.
I bezdisur nga ky term, Duka tha duke qeshur se duhej gjetur diçka tjetër për të përshkruar një vendim të tillë, pasi sipas tij ishte tepruar me këtë gjë.
“Aman nga ka dalë kjo vrasja e babës? Gjej një gjuhë tjetër për këtë. Çfarë është ky kanibalizëm?”, tha Duka në një intervistë për mediat.
Ky term është përsëritur disa herë që në momentin kur kreu i opozitës mori vendimin për të larguar nga Partia Demokratike, ish-liderin historik Sali Berisha.
