Analisti Andi Bushati i ftuar në emisionin “Open” në Top Channel, u shpreh se Amerika ka qenë me çdo maskara të këtij vendi dhe kundër Bashës.
Bushati theksoi se Basha ka qenë afër pushtetit në vitin 2017 dhe në vitin 2021.
Andi Bushati: Nëse Lulzim Basha është afër pushtetit, atëherë nuk flas më. Afër ka qenë gjithmonë ai. Ka qenë në 2017, dhe në 2021.
Vehap Kola: Nuk është e vërtetë.
Andi Bushati: Amerika ka qenë me Sajmir Tahirin dhe kundër Bashës. Ka qenë me çdo maskara të këtij vendi dhe kundër Bashës. E doni PD ju më shumë sesa unë.
Ai gjithashtu tha se përplasja e ish-kryeministrit Sali Berisha me kryedemokratin Lulzim Basha është personale.
“Është personale. Po mos kishte ndodhur kjo Berishën do e kishe akoma atje duke mbrojtur Bashën. Duhen kuptuar dy gjëra te Berisha, kur u shpall non grata dhe kush përfitoi pas këtij vendimi. U shpall non grata sapo opozita tha se kishte ndodhur masakër zgjedhore. Berisha është goditur vetëm për t’i dhënë frymëmarrje njeriut që bleu zgjedhjet”, tha Bushati.
