Qyteti i Lushnjës është tronditur nga një ngjarje e rëndë mëngjesin e sotëm, ku një 65-vjeçar ka qëlluar me armë zjarri vëllain e tij për shkaqe ende të paditura. Mësohet se ngjarja ka ndodhur në orën 5 të mëngjesit në Gurrëz të Vogël Lushnjës, ku Faik Veliu ka qenë duke i shërbyer bagëtive dhe kur ka dalë nga dera e stallës vëllai i tij, Sami Veliu 65-vjeç, e ka qëlluar me armë zjarri kallashnikov.
Faiku ka marre tre plumba njeri me gjoks e dy me bark, ndërsa autori është larguar menjëherë nga vendngjarja. I plagosuri është dërguar nga familjaret me spitalin e Lushnjës ku ka marre ndihmën e pare dhe më pas në gjendje të rëndë është nisur me urgjencë drejt spitalit të traumës.
Pak minuta më vonë, policia ka arritur të kapë autorin pasi e ndoqi në zonat aty afër fshatit. Autori u largua nga vendgjarja dhe u fsheh në një banesë të braktisur në fshatin Ngurrëz e Vogël. Pas krehjes së zonës dhe veprimeve hetimore operacionale, Policia bëri të mundur kapjen e autorit bashkë me armën e zjarrit, një kallëp tritoli bashkë me ndezësin dhe fishekë luftarak.
Nga tërësia e veprimeve hetimore rezulton se shtetasi Sami Veliu ka qëlluar me armë zjarri kundrejtë vëllait të tij për motive pronësie.
Ndërkohë, një nga banorët e fshatit tregon se, ka qenë aty pranë ku dëgjoi krismat dhe sapo u afrua tek shtëpia e vaksinës dëgjoi ulërimat e grave të shtëpisë dhe nipin e të plagosurit që po dërgonte Faikun për në spital.
“Dëgjova ca krisma dhe dola menjëherë në rrugë, ku pash makinën e vëllait të të dilte nga shtëpia, ndërsa gratë ulërinin dhe ma mori mendja që ka ndodhur diçka. Ku afrova atje po e nxirrte nipi u afrova dhe pash që ishte plagosur me një plumb në zemër dhe dy më poshtë”, u shpreh ai.
Ndërkohë, kunata e Samiut autorit dhe viktimës shprehet gratë kanë pasur probleme si kunata dhe grindje por burrat jo. Ndërsa kunata tjetër Eleni Veliu tregon se autori nuk ka shfaqur probleme apo sjellje agresive ndonjëherë me ta. “Ne nuk dimë të ketë pasur probleme mendore apo sjellje të tjera nga ai. Ne nuk dinim që ka armë, as nuk kemi dëgjuar të zihen me njëri tjetrin. I kam Vëllezërit e burrit dhe kemi shkuar shumë mirë”, tha ajo.
E.H/ gijotina.com/
