Policia ka vënë në pranga një person i cili ishte në kërkim pasi tentoi të vrasë me mjete prerëse një person për motive hakmarrjeje. 47 vjeçari L.Sh u vu në pranga në fshatin Tomin në Dibër.
Për arrestimin e 47-vjeçarit të shpallur në kërkim për veprën penale “Vrasje me dashje e mbetur në tentativë” janë angazhuar strukturat e Hetimit të Krimit në Drejtorinë Vendore të Policisë Dibër, Forcat e Posaçme “Shqiponja” dhe shërbimet e Komisariatit të Policisë Dibër.
Ky shtetas, më datë 31.08.2018, në bashkëpunim me një shtetas tjetër, për motive hakmarrje dyshohet se ka tentuar të vrasë me mjete prerëse shtetasin J. B.
Për shtetasin L. Sh., Gjykata e Rrethit Gjyqësor Dibër i ka caktuar masën e sigurimit “Arrest me burg” në mungesë, si autor i dyshuar i kryerjes së veprës penale “Vrasje me dashje e mbetur në tentativë, të kryer në bashkëpunim”.
