Vetëm pak minuta më parë është shkrumbuat toatlisht banesa e një qytetari në fshatin Kullë, Manëz. Mësohet se ka rënë zjarr në banesën e shtetasit I.Q., nga e cila ka vetëm dëme materiale.
Shërbimet e Policisë dhe të zjarrfikëses ndodhen në vendngjarje dhe po punojnë për shuarjen e zjarrit. Grupi hetimor ndodhet në vendngjarje dhe punon për zbardhjen e rrethanave të ngjarjes, por nga hetimet e para dyshohet për zjarrëvenie të qëllimshme.
Policia ka raportuar shumë raste të tilla në ditët e fundit, për zjarrëvënie të qëllimshme në makinat, apo banesat e disa shtetasve, ndërsa autorët ende nuk dihen. Policia bën me dije se është në terren gjithë kohës për të evidentuar dhe parandaluar vepra të tilla penale.
