NATO ka bërë thirrje për shtensionim të menjëhershëm të situatës në veri të Kosovës.
Në një reagim në Twitter të zëdhënëses, Oana Lungescu, thuhet se NATO bën thirrje që Beogradi dhe Prishtina të tregojnë përmbajtje dhe të shmangin çfarëdo vendimi të një anshëm dhe të kthehen në dialog.
“Mandati i KFOR-it mbetet për të siguruar një ambient të qetë dhe të sigurtë dhe liri të lëvizjes për të gjitha komunitetet”, ka shkruar Lungescu
Kujtojmë se kryeministri i Kosovës, Albin Kurti ka ritheksuar se vendimi për reciprocitet me targa është i drejtë dhe se nuk i bën dëm askujt. Siç ka deklaruar Kurti, Njësia Speciale po qëndron në veri për t’i mbrojtur policët kufitar dhe vendkalimet kufitare.
Qeveria e Kosovës, ditën e hënë ka vendosur për aplikimin e masës së reciprocitetit për Serbinë, dhe se veturave që hyjnë nga ky shtet t’iu vendosen targa të përkohshme.
