Pas kthimit nga SHBA, kryeministri i Shqipërisë, Edi Rama do të vizitojë ditën e hënë Kosovën. Sipas burimeve, mësohet se Edi Rama dhe një pjesë e kabinetit qeveritar do të udhëtojnë të hënën drejt Prishtinës për një vizitë një-ditore.
Vizita e Ramës në Kosovë, u paralajmërua nga vetë ky i fundit në përgjigjen që i ktheu kryeministrit Albin Kurti.
Kreu i qeverisë së Kosovës e uroi për mandatin e tretë duke e ftuar për një vizitë zyrtare, ndërsa Rama u shpreh se takimi do të bëhej shumë shpejt, për të nisur edhe punën për mbledhjen e dy qeverive.
